Kayata bledhek ngamuk

Kowe iku kaya bayu,
Ora iso tak cekel, mlayu-mlayu sak sir awakmu.

"Aku pengen dadi bledhek. Ngamuk sak kayangku."

Sedina
Rung dina
Sesasi
Rung sasi
Setaun

Saben dina bledhek e tambah mbaurekso, ora kecekel, ora kesawang
Mbaurekso kayata adigang adigung adiguna

Nganti ono omah sing katon prasaja, 
Meneng ing ngarep lawange,
Nyawang anggermu bledhek sing ora mari lagakke

"Ayo, mlebu wae. Ing njaba bledhekke gedhe. Awakmu iso kesamber."
Bledhek iku ora mandheg, katon rumangsa sing paling adiguna

Aku wedi, njuk melu mlebu ing njero omah prasaja
Prasaja tur kanthi tentrem
Bebasan ing njaba, sliramu njeblag-njeblug

Sedina 
Rung dina
Sesasi
Rung sasi
Lali isih ana bledhek sing rada mandheg
Isih kelingana aku?
Ora
Ora patio

Nyawang wektu-wektu mengarep
Ing jenenge bledhek kudu nyinau dadi terang
Ora katon saben wektu kudu abang mbranang
 
merga,
bakal ana siji loro omah prasaja sing kebukak lawange

Ing njero, bledhek gur bledhek, sing mbengok saksire...
mung wis ora dirumangsani sing ing njero omah...
Dijarke,
Dibenke